මා දැල් අණ පනත් කඩකල තිදෙනෙක් අත්අඩංගුවට

උඩප්පුව පුනපිටිය මුහුදු තීරයේ වෙරළට හානි වන අයුරින් මාදැල් කර්මාන්තයේ නිරත වු ධීවරයින් තිදෙනෙකු සමඟ ට්‍රැක්ටර් තුනක්  තම්බපන්නි නාවික නිලධාරින් සහ පුත්තලම ධීවර නිලධාරින් එක්ව කල වැටලීමකදී අත්අඩංගුවට ගෙන තිබේ.

ඊයේ(16) අත්අඩංගුවට ගත් සැකකරුවන් උඩප්පුව පුනපිටිය පදිංචිකරුවන් බවත් මොවුන් 1985 මා දැල් නියෝග මාලාව කඩ කරමින් මාදැල් රැකියාවේ නිරත වී ඇති බව කියයි.

එසේම මෙම සැකකාර ධීවරයින් වෙරළ තිරයට බරපතල ලෙස හානි වන ලෙස ට්‍රැක්ටර් වෙරළ තීරයේ එහා මෙහා ගමන් කරමින් ට්‍රැක්ටර් වල සවිකර ඇති කුඩා දොඹකර ( වින්ච්) ආධාරක යොදා ගනිමින් මා දැල් කර්මාන්තයේ යෙදී සිටියදි මෙසේ අත්අඩංගුවට ගෙන තිබේ.

අදාල වැටලීම පුත්තලම තම්බපන්නී නාවික කඳවුරේ නිලධාරින් විසින් සිදුකර ඉදිරි පරීක්ෂණ සඳහා ධීවර සම්පත් දෙපාර්තමේන්තුවේ පුත්තලම සහකාර අධ්‍යක්ෂ කාර්යාලයට භාර දී තිබේ.

 අත්අඩංගුවට ගත් සැකකරුවන් පුත්තලම අධිකරණයට අද(17) දින ඉදිරිපත් කිරීමට නියමිතය.